Ulytaý oblysynda 4,8 mlrd teńgege marganes kenin zańsyz óndirý shemasy áshkerelendi, dep habarlaıdy Dalanews.kz.

Qostanaı oblysynyń 50 jastaǵy turǵyny 2020–2023 jyldar aralyǵynda jer qoınaýyn paıdalanýǵa lısenzıasy men kelisimsharty bolmaǵanyna qaramastan "Shyǵys Qarajal" ken ornynda marganes kenin zańsyz óndirgen. Sonymen qatar, qolma-qol aqshaǵa aınaldyrý jáne jalǵan mámileler jasasý arqyly paıdaly qazbalardy satýdan túsken qarajatty zańdastyrǵan.

Bul kezeńde 16 myń tonnadan asa ken jóneltilip, memleketke 1,3 mlrd teńgeden asa zalal keltirilgen.

Kúdikti óńdelgen temir-marganes kenin el ishinde, shetelge satý arqyly 3,5 mlrd teńgeden asa paıda tapqan.

Ulytaý oblysy sotynyń úkimimen kináli adam 5 jyl 4 aı merzimge bas bostandyǵynan aıyrylyp, jer qoınaýyn paıdalaný salasyndaǵy qyzmetpen aınalysý quqyǵynan 5 jyl merzimge aıyryldy.

Memleket kirisine 4,8 mlrd teńge óndirilip, qylmystyq jolmen kelgen qarajatqa satyp alynǵan 3 jeńil kólik, 2 júk kóligi tárkilendi. Sot úkimi zańdy kúshine endi.