QMA Astana qalasy boıynsha departamenti astanalyq blogerge memleketaralyq izdeýge jarıalady, dep habarlaıdy Dalanews.kz.
Iývashev Ilár Salavatovıch, 23.06.1998 j.t., Qazaqstan Respýblıkasynyń azamaty, andersonchik1 laqap atymen tanymal bloger.
Ol elimiz aýmaǵynda lısenzıasyz jumys istegen zańsyz ınternet-kazıno qyzmetin uıymdastyrýǵa járdemdesti degen kúdikke ilindi.
Tergeý derekterine sáıkes, I.S. Iývashev 2024–2025 jyldary ınternet-kazıno jelisin qurýǵa jáne basqarýǵa qatysqan, onyń ishinde mellstroy.game resýrsy da bar.
Qarjy aǵyndaryn zańdastyrý jáne operasıalardy jasyrý maqsatynda 22 jalǵan zańdy tulǵa tirkelip, POS-termınaldar men elektrondy tólem quraldary paıdalanylǵan. Osy arqyly oıynshylardan 3,6 mlrd teńgeden astam qarajat túsken.
İzdestirilip jatqan tulǵanyń ornalasqan jeri týraly qandaı da bir málimet belgili bolǵan jaǵdaıda, Astana qalasy boıynsha Ekonomıkalyq tergep-tekserý departamentine habarlaýlaryńyzdy suraımyz:
+7 7172 70 84 79 (ish.21384) – kezekshi bólim;
Call-ortalyq: 1458.
Aqparat bergen tulǵalarǵa syıaqy qarastyrylǵan, qupıalylyq saqtalady.
Eske salamyz, QMA Astana qalasy boıynsha departamenti Belarýs Respýblıkasynyń azamaty, «Mellstroy» atymen belgili bloger Andreı Býrımge qatysty qylmystyq isti tergeýdi jalǵastyrýda.
Internet-kazınony nasıhattaý úshin bloger túrli utys oıyndary men chellendjder uıymdastyrǵan.
Qatysýshylarǵa TikTok, YouTube Shorts jáne basqa da áleýmettik jelilerde Mellstroy brendi, kazıno logotıpteri men saıt siltemeleri kórsetilgen beınerolıkter túsirý usynylǵan.
Býrım halyqaralyq izdeýge jarıalanǵan.
Aıta ketý kerek, ınternet-kazıno qyzmeti eleýli áleýmettik jáne ekonomıkalyq zıan keltirgen: azamattardy, sonyń ishinde kámeletke tolmaǵandardy qumar oıyndarǵa tartý, lýdomanıanyń artýy, tabystyń joǵalýy jáne kapıtaldyń ofshorlyq aımaqtarǵa shyǵarylýy.
