Qulsaryda balta ustaǵan jasóspirim eki qatarlasyna shabýyl jasady. Atyraý oblysy Densaýlyq saqtaý basqarmasy Qulsary qalasyndaǵy №6 jalpy bilim beretin mektepte bolǵan oqıǵaǵa baılanysty pikir bildirdi, dep habarlaıdy Dalanews.kz.

Oqıǵa saldarynan 2009, 2010 jyldary týǵan eki jasóspirim medısınalyq tekseristen ótken.

"Zardap shekkenderge alǵashqy medısınalyq kómek kórsetilip, olardy travmatolog dáriger qarady. Tekseris barysynda syzattar men teriasty kógergen jerler anyqtaldy", - dep jazylǵan vedomstvo habarlamasynda.

Naýqastarǵa qajet em-dom jasalyp, rentgenologıa zertteýi júrgizilgen. Dárigerler olardy ambýlatorlyq em qabyldaýǵa jibergen.

"Qazir jasóspirimderdiń ómirine qaýip joq", - dedi dárigerler.

Aıta keteıik, 5 aqpanda 102 arnasyna Qulsary qalasynda 10-synyp oqýshysy qatarlastarymen janjaldan keıin olarǵa shabýyl jasap, mektep aýmaǵynan boı tasalaǵany týraly habarlama túsken.

Oqıǵa saldarynan eki oqýshy jeńil dene jaraqatyn alǵan edi.