Shymkent Polısıa departamentine jańa basshy keldi, dep habarlaıdy Dalanews.kz.

İshki ister mınıstri Erjan Sádenov Shymkent Polısıa departamentinde kóshpeli keńes ótkizdi.

Jıyn barysynda İİM basshysy jeke quramǵa Shymkent Polısıa departamentiniń jańa basshysy Muhtar Qojaevty tanystyrdy.

"Ol buǵan deıin İİM Tergeý departamentin basqarǵan. Polısıa general-maıorynyń basqarý, tergeý salasynda mol tájirıbesi bary, tergeýshiden bastap ortalyq apparat departamenti basshysyna deıingi qyzmet jolynan ótkeni aıtyldy", - dep jazylǵan habarlamada.

Eske sala keteıik, buǵan deıin Ulttyq quryltaı barysynda Memleket basshysy Shymkenttegi sońǵy oqıǵalarǵa baılanysty İshki ister mınıstrligine birqatar tapsyrma bergen bolatyn.

Qyzmettik tekseris qorytyndysy boıynsha quqyqtyq tártipti tıisti deńgeıde qamtamasyz etpegeni úshin Polısıa departamentiniń bastyǵy men onyń birqatar orynbasary qyzmetterinen bosatylyp, sondaı-aq, aýdandyq bólinisterdiń keıbir basshylary ishki ister organdarynan shyǵaryldy.