Taldyqorǵanda 21 adamnan turatyn uıymdasqan qylmystyq topqa qatysty sot úkimi shyqty, dep habarlaıdy Dalanews.kz 24.kz-ke siltep.

Sottalýshylar qatarynda Almaty jáne Jetisý oblysyndaǵy mamandandyrylǵan halyqqa qyzmet kórsetý ortalyǵynyń jáne ákimshilik polısıa basqarmasynyń qyzmetkerleri bar.

Olar shetelden ákelingen júk kólikterin zańsyz tirkeýmen aınalysqan. Iaǵnı aqparattyq júıege bastapqy tirkeý alymy tólendi dep kórsetip, jalǵan málimet engizgen. Osylaısha kúdiktiler 1385 tehnıkany rásimdegen. Saldarynan memleketke 9 mlrd teńge shyǵyn kelgen.

270 tomnan turatyn is 4 aı boıy tergep tekserilgen.

"2 jyldan bastap 12 jyl aralyǵynda bas bostandyǵynan aıyrý jazasy taǵaıyndaldy. Olar jazasyn qylmystyq atqarý júıesiniń ortasha jáne barynsha tómen mekemelerinde óteıdi. Búgingi tańda úkim zańdy kúshine enbegen", - dedi oblystyq qylmystyq ister jónindegi mamandandyrylǵan aýdanaralyq sotynyń tóraǵasy Baqyt Ermahanov.