استانادا 82 جاستاعى زەينەتكەر 7 جاسار شوبەرەسىن زورلاعان، دەپ حابارلايدى Dalanews.kz.
ول 20 جىلعا سوتتالدى. بۇل تۋرالى نەمولچيKZ قورىنىڭ جەتەكشىسى دينا ءتاڭسارى Facebook پاراقشاسىندا مالىمدەدى. مالىمەتكە سۇيەنسەك، قايعىلى وقيعا بالانىڭ تۋعان كۇنىن اتاپ ءوتۋ كەزىندە، تۋىستار تۇگەل جينالعان ۇيدە بولعان.
تەرگەۋ بارىسىندا وقيعانىڭ ءمان-جايى كۋاگەرلەردىڭ ايعاقتارى مەن سوت-مەديسينالىق ساراپتاما قورىتىندىلارىمەن تولىق دالەلدەنگەن. سوت ايىپتالۋشىنى ق ر قىلمىستىق كودەكسىنىڭ 121-بابىنىڭ 4-بولىگى ("سەكسۋالدىق سيپاتتاعى زورلىق-زومبىلىق ارەكەتتەرى") بويىنشا كىنالى دەپ تانىپ، 20 جىلعا باس بوستاندىعىنان ايىرۋ جازاسىن تاعايىندادى.
دينا ءتاڭسارىنىڭ ايتۋىنشا، بالانىڭ اناسى قورعا 2025 جىلى ساۋىردە، قىزىن ساراپتاماعا اپارعان ساتتە حابارلاسقان.
سونىمەن قاتار، وتباسى ىشىندە ايىپتالۋشىنىڭ جاسى ۇلكەن ەكەنىن العا تارتىپ، ءىستى سوتقا جەتكىزبەۋدى ۇسىنعاندار بولعانى دا ايتىلدى.
