قما استانا قالاسى بويىنشا دەپارتامەنتى پروكۋراتۋرانىڭ ۇيلەستىرۋىمەن ەكى جەكەمەنشىك كلينيكانىڭ باسشىسىنا قاتىستى الەۋمەتتىك مەديسينالىق ساقتاندىرۋ قورىنىڭ قاراجاتىن جىمقىرۋ فاكتىسى بويىنشا سوتقا دەيىنگى تەرگەپ-تەكسەرۋ جۇرگىزىپ جاتىر، دەپ حابارلايدى Dalanews.kz.
2022 جىلى قور مەن كلينيكالار اراسىندا جالپى سوماسى 2،4 ملرد تەڭگەنى قۇرايتىن مەديسينالىق قىزمەتتەر كورسەتۋ تۋرالى شارتتار جاسالعان، ونىڭ ىشىندە جىلجىمالى مەديسينالىق پويىز قىزمەتتەرى دە قامتىلعان.
جوبانى ىسكە اسىرۋ باستالعاننان كەيىن كلينيكالار باسشىسى الاياقتىق سحەما ۇيىمداستىرىپ، مەديسينالىق كومەكتى ءىس جۇزىندە الماعان پاسيەنتتەر تۋرالى اقپاراتتىق جۇيەگە كورىنەۋ جالعان مالىمەتتەر ەنگىزگەن. اتاپ ايتقاندا، جالعان دياگنوزدار مەن كورسەتىلمەگەن قىزمەتتەر تىركەلگەن.
كۇن سايىن جالعان تۇردە تىركەلەتىن پاسيەنتتەر سانى 90-نان 150 ادامعا دەيىن جەتكەن.
ناتيجەسىندە كلينيكالار ناقتى كورسەتىلمەگەن مەديسينالىق قىزمەتتەر ءۇشىن قور قاراجاتىنان زاڭسىز تۇردە 682 ملن تەڭگە العان.
2024 جىلدىڭ قاڭتار ايىندا قىلمىستىق جولمەن الىنعان تابىستىڭ ءبىر بولىگى — 364 ملن تەڭگە — كلينيكالار باسشىسى مەن ونىڭ جۇبايىنىڭ جەكە ەسەپشوتتارىنا اۋدارىلعان.
كۇدىكتى قاماۋعا الىندى.
سوت سانكسياسىمەن ونىڭ مۇلكىنە: يسپانياداعى قالا سىرتىنداعى ءۇي، استانا قالاسىنداعى پاتەر، سونداي-اق اۆتوكولىككە تىيىم سالىندى.
تەرگەپ-تەكسەرۋ جالعاسۋدا.
قازاقستان رەسپۋبليكاسى قپك 201-بابىنا سايكەس وزگە اقپارات جاريا ەتىلمەيدى.
