2026 جىلدىڭ قاڭتارىنان باستاپ قازاقستان ازاماتتارىنىڭ بانكتىك شوتتارى 20 ايلىق ەسەپتىك كورسەتكىشتەن (اەك) اساتىن سالىق قارىزى بولعان جاعدايدا بۇعاتتالا باستايدى. بۇل تۋرالى مەملەكەتتىك كىرىستەر كوميتەتىنىڭ وكىلى قايسار ارىن مالىمدەدى، دەپ حابارلايدى Dalanews.kz.
ونىڭ ايتۋىنشا، قارىز كولەمى كورسەتىلگەن مەجەدەن اسقان كەزدە الدىمەن سالىق تولەۋشىگە ەسكەرتۋ حابارلاماسى جولدانادى. ەگەر بەرەشەك وتەلمەسە، بانك شوتتارى، كاسسا جانە ينكاسسالىق وكىمدەر بويىنشا شىعىس وپەراسيالارى ۋاقىتشا توقتاتىلادى.
ەگەر سالىق قارىزى 45 اەك-تەن اسپاسا، ادەتتە وسى شارالارمەن شەكتەلەدى. ال بەرەشەك 45 اەك-تەن جوعارى بولعان جاعدايدا قاتاڭ شارالار قولدانىلادى.
بۇل جاعدايدا سالىق ورگاندارى:
-
دەبيتورلاردىڭ شوتتارىنداعى قاراجاتتى ءوندىرىپ الۋعا،
-
مۇلىكتى تۇگەندەپ، ونى ساتۋعا،
-
ال توتەنشە جاعدايدا سوت ارقىلى بانكروتتىق ءراسىمىن باستاۋعا قۇقىلى.
جاڭا تالاپتار سالىقتىق ءتارتىپتى كۇشەيتۋگە جانە بەرەشەك كولەمىنىڭ وسۋىنە جول بەرمەۋگە باعىتتالعان.
