جاپونيانىڭ بۇرىنعى پرەمەر-مينيسترى سيندزو ابەنى ولتىرگەن قىلمىسكەر ءبىرىنشى ساتىداعى سوتتىڭ ونى ءومىر بويىنا باس بوستاندىعىنان ايىرۋ تۋرالى ۇكىمىنە اپەللياسيالىق شاعىم ءتۇسىردى، دەپ حابارلايدى Dalanews.kz
بۇل تۋرالى «كيودو» اگەنتتىگى حابارلادى. 21 قاڭتاردا نارا وكرۋگتىك سوتى 45 جاستاعى تەسۋيا ياماگاميدى ەكس-پرەمەردى ولتىرگەنى ءۇشىن ءومىر بويىنا باس بوستاندىعىنان ايىرۋ جازاسىنا كەستى. ءدال وسىنداي جازا تاعايىنداۋدى پروكۋراتۋرا تالاپ ەتكەن بولاتىن.
ال ياماگاميدىڭ ادۆوكاتتارى 20 جىلدان اسپايتىن مەرزىمگە باس بوستاندىعىنان ايىرۋدى سۇرادى. ولاردىڭ ايتۋىنشا، كليەنتى «دىنگە بايلانىستى زورلىق-زومبىلىقتىڭ» قۇربانى بولىپ تابىلادى جانە تۇزەلۋگە مۇمكىندىك الۋعا لايىق.
