جۇمىس ىستەمەيتىن اكەلەردىڭ دەكرەتتىك دەمالىسى زەينەتاقى تاعايىنداۋ كەزىندە ەسەپكە الىنادى، دەپ حابارلايدى Dalanews.kz.
قابىلدانعان زاڭ اياسىندا كامەلەت جاسىنا تولماعان بالالارعا ناقتى كۇتىم جاساعان ۋاقىت ەندى جۇمىس ىستەمەيتىن اكەلەردىڭ جاسىنا بايلانىستى زەينەتاقى تولەمدەرىن تاعايىنداۋ كەزىندە ەڭبەك وتىلىنە ەسەپتەلەتىن بولادى. ءتيىستى ناقتىلاۋلار كونستيتۋسيالىق سوتتىڭ نورماتيۆتىك قاۋلىسىن ىسكە اسىرۋ ماقساتىندا الەۋمەتتىك كودەكسكە ەنگىزىلەدى.
سونىمەن قاتار دەپۋتاتتاردىڭ ۇسىنىسى بويىنشا جۇمىس بەرۋشىنىڭ باستاماسىمەن جالعىزباستى اتا-انالارعا (جىنىسىنا قاراماستان) قاتىستى ەڭبەك شارتىن بۇزۋعا تىيىم سالىنادى. وسىعان بايلانىستى «جالعىزباستى انالار» ۇعىمى «جالعىزباستى اتا-انا» دەپ وزگەرتىلەدى.
بۇدان بولەك، ءماسليحاتتاردىڭ قۇزىرەتى تيپتىك ەرەجەلەر نەگىزىندە «وبلىستىڭ (قالانىڭ، اۋداننىڭ) قۇرمەتتى ازاماتى» اتاعىن بەرۋ قاعيدالارىن ازىرلەۋ جانە بەكىتۋ بويىنشا تولىقتىرىلادى.
