استانادا "جاڭا كونستيتۋسيا – جاڭا مۇمكىندىكتەر" اتتى پارتياارالىق دەبات ءوتىپ جاتىر، دەپ حابارلايدى Dalanews.kz.
قازاقستان حالىق پارتياسى فراكسياسىنىڭ جەتەكشىسى ماگەررام ماگەرراموۆ جاڭا كونستيتۋسيا جوباسىندا ازاماتتاردىڭ قۇقىعى ساياسي سەبەپپەن شەكتەلمەيتىنى ناقتى جازىلعانىن ايتتى.
ونىڭ سوزىنشە، قۇجاتتا ادامنىڭ كوزقاراسى، سەنىمى نەمەسە ساياسي ومىرگە قاتىسۋى ءۇشىن قىسىم جاساۋعا تىكەلەي تىيىم سالىنعان. مەملەكەت ساياسي ۇستانىمىنا بولا ازاماتتى جۇمىستان شىعارا المايدى، قوعامدىق قىزمەتىن شەكتەي المايدى نەمەسە ادەيى قولايسىز جاعداي جاساي المايدى.
شەكتەۋلەر تەك قاۋىپسىزدىك، قوعامدىق ءتارتىپ جانە وزگە ازاماتتاردىڭ قۇقىعىن قورعاۋ ماقساتىندا، زاڭ بۇزىلعان جاعدايدا قولدانىلۋى مۇمكىن. بۇل نورما ساياسي قۇقىقتى قورعاپ، مەملەكەتكە دەگەن سەنىمدى ارتتىرۋعا باعىتتالعان.
ايتا كەتەيىك، بۇعان دەيىن مەملەكەت باسشىسى 2026 جىلى 15 ناۋرىزدا جاڭا كونستيتۋسيا بويىنشا رەسپۋبليكالىق رەفەرەندۋم وتكiزۋ تۋرالى جارلىققا قول قويدى.
