الماتى اۋدانىندا ورنالاسقان جەكە تۇرعان اۆتوسەرۆيس عيماراتىنداعى ءورت وقشاۋلاندى، دەپ حابارلايدى Dala news.
«تجم كۇشتەرىمەن ءورت وقشاۋلاندى. ءورتتى ءسوندىرۋ جالعاسۋدا»، – دەلىنگەن حابارلامادا.
توتەنشە جاعدايلار مينيسترلىگىنە بۇعان دەيىن سارىاعاش كوشەسىندەگى ءبىر قاباتتى اۆتوسەرۆيس عيماراتىندا ءورت شىققانى حابارلانعان. العاشقى بولىمشەلەر جەتكەن كەزدە قويۋ ءتۇتىن مەن اشىق جالىن بايقالعان.
ءورت سوندىرۋشىلەردىڭ جەدەل ارەكەتىنىڭ ارقاسىندا وتتىڭ جاقىن ماڭداعى عيماراتتارعا تارالۋىنا جول بەرىلمەدى. زارداپ شەككەندەر تۋرالى اقپارات تۇسكەن جوق.
