«قازتەلەراديو» 5 اقپاندا ەل بويىنشا جوسپارلى پروفيلاكتيكالىق جۇمىستار جۇرگىزىلەتىنىن حابارلادى،دەپ حابارلايدى Dalanews.kz.
كومپانيا مالىمەتىنشە، جۇمىستار 5 اقپان كۇنى ساعات 03:00-دەن 17:00-گە دەيىن بەكىتىلگەن كەستەگە سايكەس اتقارىلادى. وسى ۋاقىت ارالىعىندا ۇلتتىق سپۋتنيكتىك، ەفيرلىك سيفرلىق جانە انالوگتىق تەلەراديو حابار تاراتۋ جابدىقتارىنا، سونداي-اق دەرەكتەردى بەرۋ جەلىلەرىنە تەحنيكالىق قىزمەت كورسەتىلەدى.
پروفيلاكتيكالىق جۇمىستار كەزىندە «OTAU TV» سپۋتنيكتىك تەليەۆيدەنيەسى، ەفيرلىك سيفرلىق جانە انالوگتىق تەلەراديو حابار تاراتۋ، دەرەكتەردى بەرۋ جانە تەلەفونيا قىزمەتتەرىندە ۋاقىتشا ۇزىلىستەر بولۋى مۇمكىن.
«قازتەلەراديو» ۋاقىتشا قولايسىزدىقتار ءۇشىن كەشىرىم سۇراپ، كورەرمەندەر مەن ابونەنتتەردىڭ تۇسىنىستىكپەن قاراۋىن ءوتىندى.
