پاۆلودار وبلىسىندا ماسا مەن باسقا دا قان سورعىش جاندىكتەرگە قارسى كۇرەسكە 13،6 ملرد تەڭگە بولىنبەك، دەپ حابارلايدى Dalanews.kz.

Protenge مالىمەتىنشە، بۇل قاراجات ءوڭىر اۋماعىندا دەزينسەكسيا، دەزينفەكسيا جانە دەراتيزاسيا جۇمىستارىن جۇرگىزۋگە باعىتتالادى. ياعني ماماندار جاز ماۋسىمىندا تۇرعىنداردى ابىگەرگە سالاتىن جاندىكتەردىڭ سانىن ازايتۋدى كوزدەپ وتىر.

الايدا وسى ماقساتتاعى العاشقى مەملەكەتتىك ساتىپ الۋ كونكۋرسى وتپەي قالعان. ەندى الداعى ۋاقىتتا جاڭا كونكۋرس جاريالانىپ، مەردىگەر قايتا تاڭدالماق. قوماقتى قارجى بولىنەتىندىكتەن، بۇل پروسەسكە قوعام نازار اۋدارىپ وتىر. تۇرعىندار قاراجات ءتيىمدى جۇمسالىپ، جاز مەزگىلىندە ماسا ماسەلەسى ناقتى شەشىمىن تابادى دەپ ۇمىتتەنەدى.