مەملەكەت باسشىسىنىڭ، ۇكىمەتتىڭ قولداۋىمەن سىر ءوڭىرى قارقىندى قۇرىلىس الاڭىنا اينالدى. ايماقتا 2022 جىلدان بەرى 200-گە جۋىق حالىققا قاجەتتى الەۋمەتتىك نىسان سالىنىپ، تۇرعىندار يگىلىگىنە بەرىلدى. بۇل تۋرالى ەلوردادا وتكەن ورتالىق كوممۋنيكاسيالار قىزمەتىنىڭ بريفينگىندە وبلىس اكىمى نۇرلىبەك نالىبايەۆ اتاپ ءوتتى، دەپ حابارلايدى Dalanews.kz.
«ايماعىمىزدا سوڭعى 3 جىلدا العاش رەت بارلىق اۋداندا جاڭادان تۇرعىن ۇيلەر سالىنىپ، 1 800-گە جۋىق، اتاپ ايتقاندا 2023 جىلى 430، 2024 جىلى 1015، 2025 جىلى 332، جالپى 1777 پاتەر جەرلەستەرىمىزگە تابىس ەتىلدى. بيىل 3600 پاتەرلىك تۇرعىن ۇيلەر سالۋعا بيۋدجەتتەن 58 ملرد. 785 ملن. تەڭگە ءبولىندى.
ءبىزدىڭ ەڭ ءبىرىنشى مىندەتىمىز – بالالارىمىزدىڭ جان-جاقتى ساپالى ءبىلىم الۋىنا قولايلى جاعداي جاساپ، جايلى ورتا قالىپتاستىرۋ.
«ءبىلىمدى قولداۋ قورىنىڭ» 8 ملرد. 400 ملن. تەڭگە قارجىسىنا فيزيكا-ماتەماتيكا باعىتىنداعى «ءبىلىم-يننوۆاسيا» ليسەي-ينتەرناتى ەل يگىلىگىنە تابىستالدى.
اتالعان قور ەسەبىنەن 2 ملرد. 333 ملن. تەڭگەگە سالىنعان ارال اۋدانى مەرگەنساي اۋىلىنداعى 150 ورىندىق مەكتەپ جاقىن كۇندەرى پايدالانۋعا بەرىلەدى.
قىزىلوردا قالاسىندا قۇرىلىسىنا 11 ملرد. تەڭگە قارالعان بالالار مەن جاسوسپىرىمدەرگە ارنالعان «سىر جۇلدىزدارى» اكادەمياسى، جالاعاش، جاڭاقورعان، شيەلى اۋداندارىندا 3 ملرد. تەڭگەدەن استام قارجىعا وقۋشىلار ءۇيى مەن ونەر مەكتەبى، وبلىس ورتالىعىندا «قازمۇنايگاز» ۇلتتىق كومپانياسىنىڭ دەمەۋشىلىگىمەن 2 ملرد. 500 ملن تەڭگەگە زاماناۋي وقۋشىلار سارايى اشىلدى. «ساۋتس ويل» كومپانياسى مۋزىكالىق كوللەدجدىڭ جاڭا وقۋ عيماراتى مەن جاتاقحاناسىن سالۋعا 4 ملرد. 800 ملن. تەڭگە دەمەۋشىلىك جاسادى.
قازىرگى ۋاقىتتا پرەزيدەنت ساياباعىندا جىل بويى جۇمىس ىستەيتىن زاماناۋي بالالار تىنىعۋ لاگەرى، بوتانيكالىق ءبىلىم بەرۋ ورتالىعى بوي كوتەرىپ كەلەدى. سونداي-اق، جۇمىسشى مامانداردى دايارلاۋعا ارنالعان «قۇزىرەتتىلىك ورتالىعى» عيماراتى دا باستالدى»، – دەدى ن.نالىبايەۆ.
مەملەكەت باسشىسىنىڭ باستاماسىمەن قولعا الىنعان «تازا قازاقستان» رەسپۋبليكالىق ەكولوگيالىق باعدارلاماسى اياسىندا وبلىس كولەمىندە كوركەيتۋ-كوگالداندىرۋ، اۋىل ايماقتاردى اباتتاندىرۋ جۇمىستارى قارقىندى جۇرۋدە. بيىل قالالىق مادەني-دەمالىس پاركى قايتا جاڭعىرتۋدان ءوتتى. قورقىت اتا مەموريالدى اللەياسى دا جاڭعىرتۋدان كەيىن جايلى دەمالىس ورنىنا اينالدى.
جاڭارعان پرەزيدەنت ساياباعى تۇرعىندار كوپ جينالاتىن قالاداعى كورىكتى ورىنداردىڭ ءبىرى بولادى. بۇگىندە ساياباقتا بەس جۇلدىزدى ءقوناقۇي سالىنۋدا. سىرداريا وزەنى ۇستىنەن استانا شاعىن اۋدانى مەن ەكى ارالىقتى بايلانىستىراتىن جاياۋ جۇرگىنشىلەر كوپىرى قۇرىلىسى جوسپارلانعان.
وڭىردە 2023 جىلدان بەرى وبلىستىق «ۇلگىلى ەلدى مەكەن» كونكۋرسى تۇراقتى وتكىزىلىپ كەلەدى. ۇلگىلى اۋىلدارعا وبلىستىق بيۋدجەت قارجىسىنا الىنعان 67 ارنايى تەحنيكا تابىستالدى.
