قاراعاندى وبلىسىندا جاسىرىن ەسىرتكى زەرتحاناسى جويىلدى، دەپ حابارلايدى Dalanews.kz.
26 اقپاندا قاراعاندى وبلىسى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ءوڭىر اۋماعىندا سينتەتيكالىق ەسىرتكى وندىرۋمەن اينالىسقان جاسىرىن ەسىرتكى زەرتحاناسىنىڭ قىزمەتىن توقتاتتى.
"جەدەل ءىس-شارالار بارىسىندا كۇدىكتى ۇستالدى. ونىڭ تۇرعىلىقتى جەرىن ءتىنتۋ كەزىندە دايىن ەسىرتكى زاتى مەن پرەكۋرسورلار قۇيىلعان كانيسترلەر، ءتۇرلى جابدىقتار جانە حيميالىق رەاگەنتتەر تاركىلەندى. جالپى العاندا 40 كەلى دايىن ەسىرتكى جانە شامامەن 5 توننا پرەكۋرسوردىڭ زاڭسىز اينالىمعا تۇسۋىنە جول بەرىلمەدى. ولاردىڭ قۇنى 2 ملن اقش دوللارىنان اسادى. الدىن الا مالىمەت بويىنشا كۇدىكتى Telegram ارنالاردىڭ ءبىرىنىڭ كۋراتورىمەن بايلانىستا بولعان. ال دايىن ءونىمدى وبلىس اۋماعىندا تاراتۋدى كوزدەگەن. ءقازىر تەرگەۋ ارەكەتتەرى جالعاسىپ جاتىر"، - دەدى پوليسيا.
