3 اقپاندا پرەزيدەنت قاسىم-جومارت توقايەۆ پاكىستانعا مەملەكەتتىك ساپارمەن باردى، دەپ حابارلايدى Dalanews.kz.
پاكىستاننىڭ شەكاراسىنا ەنگەننەن باستاپ اسكەري اۋە كۇشتەرىنىڭ ۇشاقتارى قازاقستان پرەزيدەنتى مىنگەن بورتپەن قاپتالداسىپ ۇشتى.
مەملەكەت باسشىسىن يسلاماباد اۋەجايىندا پرەزيدەنت اسيف الي زارداري مەن پرەمەر-مينيستر شاحباز شاريف قارسى الدى.
مارتەبەلى مەيماننىڭ كەلۋىنە وراي قۇرمەت قاراۋىلى ساپ تۇزەپ، زەڭبىرەكتەن 21 مارتە وق اتىلدى. سونداي-اق، قازاقستان مەن پاكىستاننىڭ تۋلارىن ۇستاعان بالالار قاسىم-جومارت توقايەۆقا قوشەمەت كورسەتتى.
بۇگىن جوعارى دەڭگەيدە كەلىسسوزدەر جۇرگىزىلىپ، ەكى ەل اراسىنداعى ساياسي، ساۋدا-ەكونوميكالىق جانە مادەني-گۋمانيتارلىق ىنتىماقتاستىقتى نىعايتۋ پەرسپەكتيۆاسى تالقىلانادى.
