Qaraǵandydaǵy Nyǵmatýllınder áýletine qatysty YDD Corporation feroqorytpa zaýyty jumysyn toqtatty, dep habarlaıdy Dala News.
Kásiporynda 528 adam eńbek etken. Sonyń 442-si zaýyttan ketken.
Mınıstrlik málimetinshe, 2025 jylǵy qazannan 2026 jylǵy naýryzǵa deıin kásiporynda ekonomıkalyq sebepterge baılanysty májbúrli toqtap turý rejımi engizilgen. Bul kezeńde jumysshylarǵa ortasha jalaqynyń 50%-y tólenedi.
Qazirgi tańda:
– 55 qyzmetker ǵana jumysyn jalǵastyryp jatyr
– 134 adam basqa kásiporyndarǵa ornalastyrylǵan
– 33 adam basqa kompanıaǵa aýystyrylǵan
– 31 adam 50% jalaqymen bos tur
– 275 adam jumystan ketken
Jumystan shyqqandardyń basym bóligi qaıta jumysqa ornalasqan, bir bóligi jumyssyz retinde tirkelgen.
Zaýyttyń toqtaýyna elektr energıasy tarıfteriniń kúrt ósýi sebep bolǵan. Sońǵy jyldary tarıf birneshe ese ósip, óndiris shyǵynynyń 70%-ǵa jýyǵy elektr qýatyna ketetin bolǵan.
Qazirgi ýaqytta kásiporyn ınvestısıalyq tarıf alýǵa ótinish bergen, másele qaralýda.
