Almaty oblysynyń Eńbekshiqazaq aýdanynda taýda joǵalǵan otbasyn izdeý operasıasy aıaqtaldy, dep habarlaıdy Dalanews.kz TJM baspasóz qyzmetine silteme jasap.
Eki eresek adam men eki bala Shonjy aýylyna jaqyn demalys aımaǵynan Almatyǵa qaraı kólikpen shyqqan, alaıda jolda baılanysqa shyqpaı qoıǵan.
Túni boıy Almaty oblysynyń qutqarýshylary men «Barys» jasaǵy úıine oralmaǵan otbasyn izdedi. İzdeý jumystary kúrdeli jaǵdaıda ótti: otbasy basshysynyń uıaly telefony óshirýli bolǵan, al taýly aımaqta qar qalyń túsken.
Telefon bıllıngi arqyly baǵytty anyqtap, Bartoǵaı sý qoımasy mańyn tekserý barysynda qutqarýshylar 24 naýryz kúni tańǵy saǵat beste Assy ústirti aýdanynan joǵalǵandardy tapty. Olardyń jol talǵamaıtyn kóligi qarǵa batyp, qozǵala almaı qalǵan.
Qutqarýshylar eresekter men balalarǵa medısınalyq kómek qajet emes ekenine kóz jetkizgennen keıin kólikti tazartylǵan jol bóligine deıin súırep shyǵardy.TJM ókilderi taýly aımaqtarǵa sapar josparlaǵanda aýa raıy men jol jaǵdaıyn eskerýdi eskertedi. Marshrýttyń qaýipsizdigine kóz jetkizbeı jolǵa shyqpaý qajet.
