Qazaqstan benzın eń arzan elder tiziminde toǵyzynshy orynǵa ıe boldy, dep habarlaıdy Dalanews.kz.
Reıtıńti Globalpetrolprices basylymy jasaǵan.
Zertteý avtorlarynyń málimetinshe, Qazaqstanda benzınniń bir lıtriniń ortasha baǵasy 0,509 dollardy (245,5 teńge) quraıdy. Al álem boıynsha ortasha baǵa – lıtrine 1,37 dollar (660,8 teńge).
Aıta keteıik, jarıalanymda AI-95 markaly benzın týraly aıtylǵan. Alaıda Qazaqstandaǵy iri janarmaı quıý beketteriniń derekterine sáıkes, bul benzınniń bólshek baǵasy aıtarlyqtaı joǵary – shamamen 315–320 teńge.
Qazaqstannan da arzan benzın myna elderde tirkelgen:
– Lıvıa – 0,023 dollar (11,11 teńge)
– Iran – 0,029 dollar (13,99 teńge)
– Venesýela – 0,035 dollar (16,88 teńge)
– Angola – 0,327 dollar (157,7 teńge)
– Kýveıt – 0,342 dollar (164,96 teńge)
– Aljır – 0,356 dollar (171,71 teńge)
– Túrikmenstan – 0,432 dollar (208,37 teńge)
– Mysyr – 0,459 dollar (221,39 teńge)
Al eń qymbat benzın Danıada (1 255 teńge), Malavıde (1 378 teńge) jáne Gonkongte (1 913 teńge) tirkelgen.
Aıta ketý kerek, ótken jyly osy reıtıńte Qazaqstan jetinshi orynda bolǵan. Bul joly eldiń tómendeýine tizimge Túrikmenstan men Angolanyń qosylýy áser etken.
