2025 جىلدىڭ قورىتىندىسى بويىنشا قازاقستاننىڭ ۇلتتىق قورىنا سالىقتار مەن مىندەتتى تولەمدەر تۇرىندە 3،746 ترلن تەڭگە ءتۇستى. ورتاشا جىلدىق ۆاليۋتا باعامىمەن بۇل شامامەن 7،18 ملرد دوللاردى قۇرايدى، دەپ حابارلايدى Dalanews.kz.

"چەرنىي لەبەد، راك ي رۋششا" تەلەگرام ارناسىنىڭ مالىمەتىنشە، تۇسىمدەردىڭ ەداۋىر بولىگى مۇناي سەكتورىنداعى زاڭدى تۇلعالاردىڭ كورپوراتيۆتىك تابىس سالىعىنا تيەسىلى بولعان. بۇل باپ جالپى كىرىستىڭ 34،9 پايىزىن نەمەسە 1،300 ترلن تەڭگەسىن قۇرايدى.

ۇلتتىق قورعا تۇسكەن نەگىزگى تۇسىمدەر قۇرىلىمى تومەندەگىدەي قالىپتاستى:

– ءونىمدى ءبولۋ جونىندەگى كەلىسىمدەر بويىنشا قازاقستاننىڭ ۇلەسى – 1،045 ترلن تەڭگە (28،1%)؛

– پايدالى قازبالاردى ءوندىرۋ سالىعى – 899،22 ملرد تەڭگە (24،1%)؛

– ەكسپورتقا سالىناتىن رەنتالىق سالىق – 356،85 ملرد تەڭگە (9،6%)؛

– ءونىمدى ءبولۋ كەلىسىمدەرى بويىنشا قوسىمشا تولەمدەر – 87،58 ملرد تەڭگە (2،4%)؛

– ارتىق پايدا سالىعى – 34،6 ملرد تەڭگە (0،9%)؛

– ۇيىمدار تولەگەن بونۋستار – 1،24 ملرد تەڭگە.

سونىمەن قاتار "ۇلتتىق قور – بالالارعا" باعدارلاماسى اياسىندا 2025 جىلدىڭ قورىتىندىسى بويىنشا ءار بالا شوتىنا 130،71 دوللاردان ەسەپتەلدى. جىل سوڭىندا باعدارلاماعا 6 918 656 بالا قاتىسقان.