شىمكەنت بولىمشەسىنە قاراستى ارىس–تۇركىستان ۋچاسكەسىندە جولاۋشىلار پويىزى تەمىرجولدا جۇرگەن ادامعا سوعىلىپ، وقيعاعا بايلانىستى تەرگەۋ باستالدى، دەپ حابارلايدى Dalanews.kz.
الدىن الا مالىمەتكە سايكەس، №77 جولاۋشىلار پويىزى كوستۋين ستانسياسى ماڭىندا تەمىرجول بويىندا ادامنىڭ بولۋى سەبەپتى شۇعىل تەجەۋ قولدانعان. سونىڭ سالدارىنان پويىز «قازاقستان تەمىر جولى» ۇلتتىق كومپانياسىنىڭ ەنشىلەس ۇيىمىنا قاراستى اسكەريلەندىرىلگەن تەمىرجول كۇزەتىنىڭ قىزمەتكەرىن قاعىپ كەتكەن.
وقيعانىڭ ءمان-جايى انىقتالىپ جاتىر، ءتيىستى تەرگەۋ امالدارى جۇرگىزىلۋدە.
قازىرگى ۋاقىتتا قۇزىرلى ورگانداردان اتالعان جاعدايعا قاتىستى رەسمي اقپارات سۇراتىلدى.
