Astanada 5 aqpanda qatty qar jaýyp, tańnan beri 45 jol apaty tirkeldi, dep habarlaıdy Dalanews.kz.

Astana qalalyq Polısıa departamentiniń baspasóz qyzmeti aýa raıy kúrt nasharlaýy, ásirese, jyldamdyqty saqtamaý jol apaty qaýpin aıtarlyqtaı arttyratynyn málimdedi.

"Tańnan beri Astanada 45 jol apaty tirkeldi. Qalyń qar jaýǵan kezde júrgizýshiler belgilengen jyldamdyq rejımin qatań saqtap, kúrt manevr jasaýdan aýlaq bolyp, qaýipsiz araqashyqty ustanýy qajet", - dep eskertti departament ókilderi.

Polısıa múmkindiginshe qala syrtyna alys saparǵa shyqpaýǵa keńes berdi. Kúrdeli meteojaǵdaıǵa baılanysty keıbir tasjoldarda qozǵalys ishinara shektelgen.

Jaıaý júrginshilerden de erekshe saq bolý suraldy. Joldy tek belgilengen jerden kesip ótip, jaryq shaǵylystyratyn elementter qoldaný, joldan óter kezde qulaqqapty sheship, telefonǵa alańdamaý qajet. Sonymen qatar, qalaǵa ushaqtar qona almaı jatqany, olar Qaraǵandyǵa baǵyttalǵany aıtyldy.