2025 jyldyń qorytyndysy boıynsha Qazaqstannyń Ulttyq qoryna salyqtar men mindetti tólemder túrinde 3,746 trln teńge tústi. Ortasha jyldyq valúta baǵamymen bul shamamen 7,18 mlrd dollardy quraıdy, dep habarlaıdy Dalanews.kz.
"Chernyı lebed, rak ı rýsha" telegram arnasynyń málimetinshe, túsimderdiń edáýir bóligi munaı sektoryndaǵy zańdy tulǵalardyń korporatıvtik tabys salyǵyna tıesili bolǵan. Bul bap jalpy kiristiń 34,9 paıyzyn nemese 1,300 trln teńgesin quraıdy.
Ulttyq qorǵa túsken negizgi túsimder qurylymy tómendegideı qalyptasty:
– Ónimdi bólý jónindegi kelisimder boıynsha Qazaqstannyń úlesi – 1,045 trln teńge (28,1%);
– Paıdaly qazbalardy óndirý salyǵy – 899,22 mlrd teńge (24,1%);
– Eksportqa salynatyn rentalyq salyq – 356,85 mlrd teńge (9,6%);
– Ónimdi bólý kelisimderi boıynsha qosymsha tólemder – 87,58 mlrd teńge (2,4%);
– Artyq paıda salyǵy – 34,6 mlrd teńge (0,9%);
– Uıymdar tólegen bonýstar – 1,24 mlrd teńge.
Sonymen qatar "Ulttyq qor – balalarǵa" baǵdarlamasy aıasynda 2025 jyldyń qorytyndysy boıynsha ár bala shotyna 130,71 dollardan esepteldi. Jyl sońynda baǵdarlamaǵa 6 918 656 bala qatysqan.
