Astanada "Jańa Konstıtýsıa – jańa múmkindikter" atty partıaaralyq debat ótip jatyr, dep habarlaıdy Dalanews.kz.
Qazaqstan Halyq partıasy fraksıasynyń jetekshisi Magerram Magerramov jańa Konstıtýsıa jobasynda azamattardyń quqyǵy saıası sebeppen shektelmeıtini naqty jazylǵanyn aıtty.
Onyń sózinshe, qujatta adamnyń kózqarasy, senimi nemese saıası ómirge qatysýy úshin qysym jasaýǵa tikeleı tyıym salynǵan. Memleket saıası ustanymyna bola azamatty jumystan shyǵara almaıdy, qoǵamdyq qyzmetin shekteı almaıdy nemese ádeıi qolaısyz jaǵdaı jasaı almaıdy.
Shekteýler tek qaýipsizdik, qoǵamdyq tártip jáne ózge azamattardyń quqyǵyn qorǵaý maqsatynda, zań buzylǵan jaǵdaıda qoldanylýy múmkin. Bul norma saıası quqyqty qorǵap, memleketke degen senimdi arttyrýǵa baǵyttalǵan.
Aıta keteıik, buǵan deıin Memleket basshysy 2026 jyly 15 naýryzda jańa Konstıtýsıa boıynsha respýblıkalyq referendým ótkizý týraly jarlyqqa qol qoıdy.
