Jalpyulttyq sosıal-demokratıalyq partıasynyń múshesi Nurlan Áýesbaev Ata Zańda otbasy men neke uǵymdarynyń naqty aıqyndalýy – qoǵamdaǵy dástúrli qundylyqtardy quqyqtyq deńgeıde bekitýdiń kórinisi ekenin aıtty, dep habarlaıdy Dalanews.kz
Jańa Konstıtýsıada neke, otbasy, ana, áke jáne balanyń memleket qorǵaýynda ekeni naqty kórsetilgen. Bul – otbasy tek áleýmettik uǵym emes, memlekettiń qorǵaýyndaǵy mańyzdy ınstıtýt ekenin bildiredi.
Sondaı-aq otbasyna qatysty kez kelgen zań men sheshim eń aldymen otbasy múddesin eskere otyryp qabyldanady. Bala quqyqtaryn qorǵaý tetikteri kúsheıtilip, qatygezdik pen zorlyq-zombylyqqa jol bermeý normalary naqtylandy. Memleket bala múddesin birinshi orynǵa qoıýǵa mindetteledi.
