Qostanaıda 2026 jyldyń 1 sáýirinen bastap jylýmen jabdyqtaý tarıfteri ózgeredi, dep habarlaıdy Dala news.
QR Ulttyq ekonomıka mınıstrligi Tabıǵı monopolıalardy retteý komıtetiniń Qostanaı oblysy boıynsha departamentiniń 27 aqpandaǵy №26-OD buıryǵyna sáıkes, jylý energıasyn óndirý, berý, bólý jáne jabdyqtaý qyzmetterine jańa tarıfter bekitildi.
Jarıalanǵan málimetke sáıkes, qosylǵan qun salyǵyn qosa eseptegendegi ortasha tarıf:
•búdjettik uıymdar úshin – 58 075,26 teńge/Gkal (ósim 16,6%);
•ózge tutynýshylar úshin – 21 678,46 teńge/Gkal;
•halyq úshin – 5 438,87 teńge/Gkal.
Sondaı-aq jylý energıasyn esepteý quraldary bar jáne joq tutynýshylar úshin saralanǵan tarıfter bekitilgen.
Tolyq aqparat ýákiletti organ men kásiporynnyń resmı saıtynda jarıalanǵan.
