قاراعاندىداعى نىعماتۋلليندەر اۋلەتىنە قاتىستى YDD Corporation فەرروقورىتپا زاۋىتى جۇمىسىن توقتاتتى، دەپ حابارلايدى Dala News.
كاسىپورىندا 528 ادام ەڭبەك ەتكەن. سونىڭ 442ء-سى زاۋىتتان كەتكەن.
مينيسترلىك مالىمەتىنشە، 2025 جىلعى قازاننان 2026 جىلعى ناۋرىزعا دەيىن كاسىپورىندا ەكونوميكالىق سەبەپتەرگە بايلانىستى ءماجبۇرلى توقتاپ تۇرۋ رەجيمى ەنگىزىلگەن. بۇل كەزەڭدە جۇمىسشىلارعا ورتاشا جالاقىنىڭ 50%-ى تولەنەدى.
قازىرگى تاڭدا:
– 55 قىزمەتكەر عانا جۇمىسىن جالعاستىرىپ جاتىر
– 134 ادام باسقا كاسىپورىندارعا ورنالاستىرىلعان
– 33 ادام باسقا كومپانياعا اۋىستىرىلعان
– 31 ادام 50% جالاقىمەن بوس تۇر
– 275 ادام جۇمىستان كەتكەن
جۇمىستان شىققانداردىڭ باسىم بولىگى قايتا جۇمىسقا ورنالاسقان، ءبىر بولىگى جۇمىسسىز رەتىندە تىركەلگەن.
زاۋىتتىڭ توقتاۋىنا ەلەكتر ەنەرگياسى تاريفتەرىنىڭ كۇرت ءوسۋى سەبەپ بولعان. سوڭعى جىلدارى تاريف بىرنەشە ەسە ءوسىپ، ءوندىرىس شىعىنىنىڭ 70%-عا جۋىعى ەلەكتر قۋاتىنا كەتەتىن بولعان.
قازىرگى ۋاقىتتا كاسىپورىن ينۆەستيسيالىق تاريف الۋعا ءوتىنىش بەرگەن، ماسەلە قارالۋدا.
