قما استانا قالاسى بويىنشا دەپارتامەنتى استانالىق بلوگەرگە مەملەكەتارالىق ىزدەۋگە جاريالادى، دەپ حابارلايدى Dalanews.kz.
يۋۆاشيەۆ يليار سالاۆاتوۆيچ، 23.06.1998 ج.ت.، قازاقستان رەسپۋبليكاسىنىڭ ازاماتى، andersonchik1 لاقاپ اتىمەن تانىمال بلوگەر.
ول ەلىمىز اۋماعىندا ليسەنزياسىز جۇمىس ىستەگەن زاڭسىز ينتەرنەت-كازينو قىزمەتىن ۇيىمداستىرۋعا جاردەمدەستى دەگەن كۇدىككە ءىلىندى.
تەرگەۋ دەرەكتەرىنە سايكەس، ي.س. يۋۆاشيەۆ 2024–2025 جىلدارى ينتەرنەت-كازينو جەلىسىن قۇرۋعا جانە باسقارۋعا قاتىسقان، ونىڭ ىشىندە mellstroy.gamە رەسۋرسى دا بار.
قارجى اعىندارىن زاڭداستىرۋ جانە وپەراسيالاردى جاسىرۋ ماقساتىندا 22 جالعان زاڭدى تۇلعا تىركەلىپ، POS-تەرمينالدار مەن ەلەكتروندى تولەم قۇرالدارى پايدالانىلعان. وسى ارقىلى ويىنشىلاردان 3،6 ملرد تەڭگەدەن استام قاراجات تۇسكەن.
ىزدەستىرىلىپ جاتقان تۇلعانىڭ ورنالاسقان جەرى تۋرالى قانداي دا ءبىر مالىمەت بەلگىلى بولعان جاعدايدا، استانا قالاسى بويىنشا ەكونوميكالىق تەرگەپ-تەكسەرۋ دەپارتامەنتىنە حابارلاۋلارىڭىزدى سۇرايمىز:
+7 7172 70 84 79 (ءىش.21384) – كەزەكشى ءبولىم؛
Call-ورتالىق: 1458.
اقپارات بەرگەن تۇلعالارعا سىياقى قاراستىرىلعان، قۇپيالىلىق ساقتالادى.
ەسكە سالامىز، قما استانا قالاسى بويىنشا دەپارتامەنتى بەلارۋس رەسپۋبليكاسىنىڭ ازاماتى، «Mellstroy» اتىمەن بەلگىلى بلوگەر اندرەي بۋريمگە قاتىستى قىلمىستىق ءىستى تەرگەۋدى جالعاستىرۋدا.
ينتەرنەت-كازينونى ناسيحاتتاۋ ءۇشىن بلوگەر ءتۇرلى ۇتىس ويىندارى مەن چەللەندجدەر ۇيىمداستىرعان.
قاتىسۋشىلارعا TikTok، YouTube Shorts جانە باسقا دا الەۋمەتتىك جەلىلەردە Mellstroy برەندى، كازينو لوگوتيپتەرى مەن سايت سىلتەمەلەرى كورسەتىلگەن بەينەروليكتەر ءتۇسىرۋ ۇسىنىلعان.
بۋريم حالىقارالىق ىزدەۋگە جاريالانعان.
ايتا كەتۋ كەرەك، ينتەرنەت-كازينو قىزمەتى ەلەۋلى الەۋمەتتىك جانە ەكونوميكالىق زيان كەلتىرگەن: ازاماتتاردى، سونىڭ ىشىندە كامەلەتكە تولماعانداردى قۇمار ويىندارعا تارتۋ، لۋدومانيانىڭ ارتۋى، تابىستىڭ جوعالۋى جانە كاپيتالدىڭ وفشورلىق ايماقتارعا شىعارىلۋى.
