رەسەي كاسپيي قۇبىر كونسورسيۋمى ارقىلى مۇناي جەتكىزۋگە شەكتەۋ قويۋدى امەريكالىق كومپانيالارعا قىسىم جاساۋ قۇرالى رەتىندە قاراستىرۋى مۇمكىن، دەپ حابارلايدى Dalanews.kz.
مۇنداي قادامنىڭ سەبەبى – بۇل باعىتتىڭ نەگىزگى بەنەفيسيارلارى بولىپ سانالاتىن Chevron مەن ExxonMobil سياقتى الپاۋىتتاردىڭ انتيرەسەيلىك تالاپتاردى بۇلجىتپاي ورىنداۋى، دەپ جازادى "كستاتي" تەلەگرام ارناسى.
ساراپشىلاردىڭ پىكىرىنشە، مۇنداي شارالار ستراتەگيالىق جوسپارلاۋ دەڭگەيىندە – ەلدىڭ مۇناي-گاز سەكتورىنداعى پوزيسياسىن كۇشەيتۋ ءتاسىلى رەتىندە تالقىلانۋى مۇمكىن. الايدا باستى ماسەلە – ىقتيمال سالدارىندا. كقك ارقىلى الەمدىك مۇنايدىڭ شامامەن 1%-ى تاسىمالدانادى، سوندىقتان كەز كەلگەن ىركىلىس ەۋروپادا شيكىزات تاپشىلىعىن تۋعىزىپ، Brent ماركالى مۇناي باعاسىن باررەلىنە 200 دوللارعا دەيىن كوتەرۋى ىقتيمال.
سونىمەن قاتار مۇنداي شەكتەۋلەر كەلىسسوزدەر تاكتيكاسىنىڭ ءبىر بولىگى بولۋى مۇمكىن. ياعني ولاردى جەڭىلدەتۋ نەمەسە تولىق الىپ تاستاۋ رەسەيگە قاتىستى سانكسيالار قايتا قارالعان جاعدايدا، اتاپ ايتقاندا «گازپروم»، «روسنەفت» جانە «لۋكويل» سياقتى كومپانيالارعا قاتىستى شەكتەۋلەر وزگەرگەن كەزدە مۇمكىن بولماق.
ازىرگە رەسمي شەشىم قابىلدانعان جوق – كونسورسيۋم 2025–2026 جىلدارى ينفراقۇرىلىمىنا بىرنەشە مارتە سىرتقى ىقپال جاسالعانىنا قاراماستان، جۇمىسىن جالعاستىرىپ جاتىر.
