Aqtaýda bomba týraly jalǵan habarlama taratqan kúdikti ustaldy, – dep habarlaıdy Dalanews.kz.
Polisia.kz málimeti boıynsha, Aqtaýda polıseıler "jarylǵysh zat qoıyldy" degen kórineý jalǵan aqparat taratqan kúdikti ustaldy. 25 qazan Telegram messendjerindegi "1414" arnasyna Aqtaý qalasyndaǵy saýda-oıyn-saýyq ortalyǵynda jarylǵysh zat bar ekeni týraly habarlama kelip tústi. Atalǵan derek boıynsha Qazaqstan Respýblıkasy Qylmystyq kodeksiniń 273-baby boıynsha qylmystyq is qozǵaldy.
Kıberqylmysqa qarsy is-qımyl basqarmasy júrgizgen jedel is-sharalar nátıjesinde terorızm aktisi týraly kórineý jalǵan habarlama taratýǵa qatysy bar jasóspirim ustaldy. Kúdikti ýaqytsha ustaý ızolátoryna qamaýǵa alyndy. Polısıa terorızm aktisi týraly kórineý jalǵan habarlaý — aýyr qylmys, jáne ol úshin qylmystyq jaýapkershilik kózdelgenin eskeretedi. Turǵyndardy rastalmaǵan jáne jalǵan aqparat taratpaýǵa, qoǵamdyq qaýipsizdikke qaýip tóndiretin áreketterden saq bolýǵa shaqyrady.
