Elordada jyl basynan beri 19 stalkıng faktisi tirkeldi, dep Dala news habarlaıdy.

Polısıa departamentiniń málimetinshe, tirkelgen 19 istiń altaýy otbasylyq-turmystyq qatynastar salasynda bolǵan. Qaralǵan isterdiń biri boıynsha sot 80 saǵat qoǵamdyq jumys túrindegi jaza taǵaıyndaǵan.

Aıta keteıik, Qylmystyq kodekske 115-1-bap «Stalkıng» ótken jyldyń shildesinde «Zań jáne tártip» tujyrymdamasy aıasynda engizilgen. Bul bap adamnyń erkinen tys oǵan qaıta-qaıta baılanysqa shyǵý, ańdý, mazasyn alý sıaqty áreketter úshin qylmystyq jaýapkershilik qarastyrady.

Stalkıngke júıeli qońyraýlar men habarlamalar jiberý, ańdý, baqylaý ornatý, jeke aqparatty taratý jáne jábirlenýshide qorqynysh pen qaýipsizdik seziminiń joǵalýyna ákeletin ózge de qysym túrleri jatady.

Zańǵa sáıkes, stalkıng úshin 200 aılyq eseptik kórsetkishke deıin aıyppul, 200 saǵatqa deıin qoǵamdyq jumys nemese 50 táýlikke deıin qamaý jazasy kózdelgen. Eger áreket kúsh qoldanýmen nemese qoqan-loqqymen qatar júrse, is qosymsha basqa baptar boıynsha saralanady.

Polısıa ókilderi qylmystyq jaýapkershilik naqty zıan keltirilgen jaǵdaıda – jeke ómirge qol suǵý, erkin júrip-turýdy shekteý nemese psıhologıalyq zıan týyndaǵan kezde bastalatynyn atap ótti.

Quqyq qorǵaý organdary azamattarǵa qýdalaýǵa tap bolǵan jaǵdaıda dálelderdi saqtaýǵa, qýdalaýshymen baılanysqa túspeýge jáne der kezinde polısıaǵa júginýge keńes beredi.