Abaı oblysynyń 41 jastaǵy turǵyny alaıaqtyq qurbany boldy. Alaıaq turǵynnyń ulyn ýnıversıtetke oqýǵa túsirýge kómektesemin dep ýáde bergen, dep habarlaıdy Dalanews.kz polısıa departamentiniń baspasóz qyzmetine silteme jasap.

Jábirlenýshiniń aıtýynsha, ótken jyldyń kókteminde ózi onsha tanys emes jas jigit 18 jastaǵy ulyn joǵary oqý ornyna túsirýge kómektesetinin aıtqan. Osy syltaýmen áıel oǵan 2,5 mıllıon teńge bergen.

Polıseıler kúdiktiniń jeke basyn anyqtap, Semeı qalasynyń 41 jastaǵy turǵynyn polısıa bólimine jetkizdi. Atalǵan derek boıynsha alaıaqtyq belgilerimen tekserý bastaldy.

«Kúdiktige prosesýaldyq quqyqtary túsindirildi, kelý týraly mindetteme alyndy. Oqıǵanyń barlyq mán-jaıy anyqtalyp jatyr», – dep qosty polısıa ókilderi.