قازاقستاندا قارۋ-جاراق ساتۋ جانە ساقتاۋ، بوپسالاۋ، ۇرلانعان اۆتوكولىكتەردى زاڭداستىرۋ جانە وزگە دە قىلمىستارعا قاتىسى بار ءبىرقاتار قىلمىستىق توپتاردىڭ قىزمەتىن توقتاتۋعا باعىتتالعان ارنايى وپەراسيا بارىسىندا 20 ادام ۇستالدى، دەپ حابارلايدى Dalanews.kz.
«2026 جىلعى 4 اقپاندا ۇقك ىشكى ىستەر مينيسترلىگىمەن بىرلەسىپ، باس پروكۋراتۋرانىڭ ۇيلەستىرۋىمەن قارۋ-جاراق ساتۋ جانە ساقتاۋ، بوپسالاۋ، ۇرلانعان اۆتوكولىكتەردى زاڭداستىرۋ جانە وزگە دە قىلمىستارعا قاتىسى بار ءبىرقاتار قىلمىستىق توپتاردىڭ قىزمەتىن توقتاتۋعا باعىتتالعان ارنايى وپەراسيا وتكىزدى. 20 ادام ۇستالدى، ولاردىڭ 10-ى ۋاقىتشا ۇستاۋ يزولياتورىنا قامالدى»، – دەلىنگەن حابارلامادا.
وپەراسيالار ءبىر مەزگىلدە الماتى، شىمكەنت قالالارىندا، سونداي-اق اقتوبە وبلىسى، الماتى وبلىسى، شىعىس قازاقستان وبلىسى، جامبىل وبلىسى، اباي وبلىسى جانە جەتىسۋ وبلىسى اۋماقتارىندا ءوتتى.
ۇقك مالىمەتىنشە، ءتىنتۋ بارىسىندا كۇدىكتىلەردەن اتىس قارۋى، وق-دارىلەر، ەسىرتكى زاتتارى، ءىرى كولەمدەگى اقشا قاراجاتى جانە وزگە دە زاتتاي دالەلدەر تاركىلەنگەن. قازىرگى ۋاقىتتا سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر.
