مادەنيەت جانە اقپارات ۆيسە-مينيسترى ەۆگەنيي كوچەتوۆ سەنات كۋلۋارىندا قىز الىپ قاشۋدى دارىپتەيتىن اندەرگە قاتىستى مينيسترلىكتىڭ ۇستانىمىن ايتتى، دەپ حابارلايدى Dalanews.kz.
ونىڭ سوزىنشە، مۇنداي شىعارمالارعا ەندى ەرەكشە نازار اۋدارىلادى. سەبەبى قازاقستاندىق ارتىستەردى شەتەلدە دە كوپ تىڭدايدى، سوندىقتان ولاردىڭ رەپەرتۋارى قوعامعا قانداي مازمۇن ۇسىناتىنى ماڭىزدى.
ۆيسە-مينيستر مينيسترلىك انشىلەرگە وسىنداي اندەردى ورىنداماۋدى نەمەسە ءماتىنىن وزگەرتۋگە كەڭەس بەرۋى مۇمكىن ەكەنىن دە جاسىرمادى. ول كەيىنگى ۋاقىتتا كەي وڭىرلەردە قىز الىپ قاشۋعا قاتىستى وقيعالار قوعامدا ۇلكەن رەزونانس تۋعىزعانىن اتاپ ءوتتى.
“بۇل ماسەلەدە سىزدەردىڭ دە قولداۋلارىڭىز ماڭىزدى. قوعامنىڭ ءوزى ارتىستەردى باسقا تاقىرىپتا ءان ايتۋعا ىنتالاندىرادى دەپ سەنەمىز”، - دەدى ول.
