سىبايلاس جەمقورلىققا قارسى قىزمەت ءتوراعاسىنىڭ بۇرىنعى ورىنباسارى نۇرلان شابداردىڭ جۇبايى مەن قىزى نيۋ-يوركتە ورنالاسقان ەليتالىق جىلجىمايتىن مۇلىككە يە ەكەنى بەلگىلى بولدى، دەپ حابارلايدى Dalanews.kz.
گوسارحيۆ مالىمەتىنشە، ەكى پاتەر دە مانحەتتەندە ورنالاسقان. ولاردىڭ جالپى قۇنى 5 ملن دوللاردان (شامامەن 2،5 ملرد تەڭگە) اسادى. اشىق دەرەككوزدەردەگى مالىمەتكە سايكەس، بۇل پاتەرلەردى ايىنا شامامەن 7 مىڭ جانە 20 مىڭ دوللار ارالىعىندا جالعا بەرۋگە بولادى.
بۇل وتباسىنىڭ شەتەلدەگى جالعىز اكتيۆتەرى ەمەس. بۇعان دەيىن الماتى ماڭىنداعى ەليتالىق كوتتەدج قالاشىعىندا ورنالاسقان، شامامەن 2 ملرد تەڭگەگە باعالانعان ءزاۋلىم ءۇيدىڭ ساتىلىمعا قويىلعانى حابارلانعان ەدى. ءۇيدىڭ اۋماعى 1100 شارشى مەتردەن اسادى، ال جەر تەلىمى شامامەن 22 سوتىقتى قۇرايدى.
