تالدىقورعاندا 21 ادامنان تۇراتىن ۇيىمداسقان قىلمىستىق توپقا قاتىستى سوت ۇكىمى شىقتى، دەپ حابارلايدى Dalanews.kz 24.kz-كە سىلتەپ.
سوتتالۋشىلار قاتارىندا الماتى جانە جەتىسۋ وبلىسىنداعى مامانداندىرىلعان حالىققا قىزمەت كورسەتۋ ورتالىعىنىڭ جانە اكىمشىلىك پوليسيا باسقارماسىنىڭ قىزمەتكەرلەرى بار.
ولار شەتەلدەن اكەلىنگەن جۇك كولىكتەرىن زاڭسىز تىركەۋمەن اينالىسقان. ياعني اقپاراتتىق جۇيەگە باستاپقى تىركەۋ الىمى تولەندى دەپ كورسەتىپ، جالعان مالىمەت ەنگىزگەن. وسىلايشا كۇدىكتىلەر 1385 تەحنيكانى راسىمدەگەن. سالدارىنان مەملەكەتكە 9 ملرد تەڭگە شىعىن كەلگەن.
270 تومنان تۇراتىن ءىس 4 اي بويى تەرگەپ تەكسەرىلگەن.
"2 جىلدان باستاپ 12 جىل ارالىعىندا باس بوستاندىعىنان ايىرۋ جازاسى تاعايىندالدى. ولار جازاسىن قىلمىستىق اتقارۋ جۇيەسىنىڭ ورتاشا جانە بارىنشا تومەن مەكەمەلەرىندە وتەيدى. بۇگىنگى تاڭدا ۇكىم زاڭدى كۇشىنە ەنبەگەن"، - دەدى وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ءتوراعاسى باقىت ەرماحانوۆ.
