بەيسەنبى كۇنى يران اسكەري كۇشتەرى پارسى شىعاناعىندا وتىن كونترابانداسىنا كۇدىكپەن ەكى كەمەنى ۇستادى. بۇل تۋرالى يسلام ريەۆوليۋسياسى ساقشىلار كورپۋسى اسكەري-تەڭىز كۇشتەرى (اتك) حابارلادى، دەپ جازادى Dalanews.kz.
تەكسەرۋ بارىسىندا كەمەلەردەن ءبىر ميلليون ليتردەن استام زاڭسىز وتىن تابىلعانىن اسكەري وكىلدەر مالىمدەدى.
كەمەلەر بورتىندا 15 شەتەلدىك ەكيپاج مۇشەسى بولعان. ولار قىلمىستىق ءىس قوزعاۋ ءۇشىن سوت ورگاندارىنىڭ وكىلدەرىنە تاپسىرىلدى. اتك دەرەگىنشە، ەكى كەمە دە اۋقىمدى جەلىنىڭ قۇرامىندا بولىپ، سوڭعى بىرنەشە اي بويى وتىن كونترابانداسىمەن اينالىسقان. ۇستاۋ الدىندا كورپۋس اسكەري-تەڭىز كۇشتەرى ولاردى باقىلاۋدا ۇستاعان.
يران بۇعان دەيىن دە پارسى شىعاناعىندا، ونىڭ ىشىندە وزگە ەلدەرگە تيەسىلى مۇناي تانكەرلەرىن ۇستاعان. 2025 جىلدىڭ كوكتەمىندە دە ديزەل وتىنىن زاڭسىز تاسىمالدادى دەگەن كۇدىكپەن وسىنداي ەكى كەمە قولعا تۇسكەن ەدى.
