Almatyda jańa Konstıtýsıa jobasyn talqylaýǵa arnalǵan baspasóz konferensıasy bastalar aldynda onyń spıkerleriniń biri polısıaǵa jetkizilgen. Bul týraly Qazaqstan halyqaralyq adam quqyqtary jáne zańdylyq búrosy málimdedi, dep jazady Dalanews.kz.
Uıymnyń málimetinshe, "Jańa Konstıtýsıa jobasyna usynys" taqyrybyndaǵy baspasóz jıyny aldyn ala josparlanǵan. Alaıda spıkerlerdiń biri Jarqyn Kúrentaevty polısıa qyzmetkerleri ustap, áńgimelesý úshin alyp ketken.
Atalǵan is-sharada Konstıtýsıanyń 9-babyn alyp tastaý nemese ózgertý jónindegi usynystar talqylanýy tıis bolǵan. Sondaı-aq qoldanystaǵy normany saqtaýdyń yqtımal saldary, balama nusqalar jáne ashyq qoǵamdyq konstıtýsıalyq pikirtalas ótkizý máseleleri qarastyrylýy josparlanǵan.
QQAQB dereginshe, baspasóz konferensıasyna advokat Meıirman Qalmahanuly, qoǵam belsendileri Dos Kóshim jáne Jarqyn Kúrentaev qatysýy kerek edi. Keıin jıyn Kúrentaevsyz ótken.
