Islamabadta juma namazy kezinde meshitte jasalǵan terakt saldarynan keminde 31 adam qaza taýyp, 170-ke jýyq adam jaralandy, dep habarlaıdy Dala News.

Pákistan astanasyndaǵy meshitterdiń birinde jankeshti lańkes ózin ǵımarattyń kireberisinde jaryp jibergen. Polısıa málimetinshe, kúdiktini meshitke kirer aldynda toqtatýǵa tyrysqan, sol sátte ol jarylǵysh qurylǵyny iske qosqan. Qurbandar sany artýy múmkin, jaralanǵandardyń birqatarynyń jaǵdaıy aýyr.

Sońǵy jyldary Pákistanda ekstremıstik toptardyń shabýyldary jıilep, qaýipsizdik máselesi ýshyǵyp otyr.

Osy oqıǵaǵa baılanysty Qazaqstan Prezıdenti Qasym-Jomart Toqaev Pákistan basshylyǵyna kóńil aıtý jedelhatyn joldady. Memleket basshysy Asıf Alı Zardarı men Premer-mınıstr Shahbaz Sharıf atyna joldaǵan jedelhatynda Islamabadta bolǵan terorıstik aktini qatań aıyptap, qaza tapqandardyń otbasylary men zardap shekkenderge qoldaý bildirdi.

Prezıdent Qazaqstannyń Pákistan halqymen yntymaqta ekenin atap ótip, Pákistan astanasy Islamabadta bolǵan qaıǵyly jaǵdaıǵa baılanysty kóńil aıtty.