12 ناۋرىزدان باستاپ قازاقستاندا اكىمشىلىك قۇقىق بۇزۋشىلىق تۋرالى كودەكسكە ەنگىزىلگەن وزگەرىستەر كۇشىنە ەنەدى. تۇزەتۋلەر جول قوزعالىسى ەرەجەلەرىن اۆتوماتتى تۇردە باقىلاۋ اياسىن كەڭەيتۋدى كوزدەيدى، دەپ حابارلايدى Dalanews.kz.
بۇل رەتتە جاڭا شەكتەۋلەر ەنگىزىلمەيدى. كامەرالار تەك قولدانىستاعى تالاپتاردى تىركەۋدى كۇشەيتەدى.
جاڭاشىلدىققا سايكەس، بەينەباقىلاۋ جۇيەلەرى ەندى جۇرگىزۋشىنىڭ رولدە وتىرىپ تەلەفون قولدانعانىن جانە قاۋىپسىزدىك بەلدىگىن تاقپاعانىن انىقتاي الادى. سونىمەن قاتار جۇيە مەملەكەتتىك دەرەكقورلارمەن بايلانىسۋ ارقىلى كولىكتە مىندەتتى ساقتاندىرۋدىڭ بار-جوعىن جانە تەحنيكالىق بايقاۋدىڭ مەرزىمىن دە تەكسەرمەك.
بۇدان بولەك، كەيبىر اكىمشىلىك باپتار بويىنشا (ماسەلەن، جولدا كەپتەلىس تۋدىرۋ نەمەسە جارىق شامدارىن تالاپقا ساي قوسپاۋ) جۇيە ينسپەكتوردىڭ قاتىسۋىنسىز اۆتوماتتى تۇردە ەسكەرتۋ شىعارۋعا مۇمكىندىك الادى.
ال جاياۋ جۇرگىنشىلەرگە كامەرا ارقىلى ايىپپۇل سالىنادى دەگەن اقپارات شىندىققا سايكەس كەلمەيدى. ىشكى ىستەر مينيسترلىگى مۇنداي مالىمەتتەردىڭ جالعان ەكەنىن رەسمي تۇردە مالىمدەدى.
