شىمكەنتتە 7 جاسار وقۋشىنىڭ سوزىنەن كەيىن ءمۇعالىم ۇستالدى. وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتى وكىلى ەگجەيىن-تەگجەيىن ايتتى، دەپ حابارلايدى Dalanews.kz.
ۆەدومستۆو مالىمەتىنشە، بۇل دەرەك بويىنشا كامەلەتكە تولماعان بالاعا پسيحولوگيالىق كومەك كورسەتىلىپ جاتىر.
"بالا قۇقىقتارى جونىندەگى وڭىرلىك ۋاكىل جاعداي انىقتالعاننان كەيىن بىردەن وقيعا ورنىنا بارىپ، بالانىڭ اناسىمەن تۇراقتى بايلانىس ورناتتى. قىلمىستىق ءىس قوزعالىپ، تەرگەۋ جۇرگىزىلىپ جاتىر. بالانىڭ قاۋىپسىزدىگى مەن اماندىعى – باستى باسىمدىق. 2024 جىلدان باستاپ ەلدە كامەلەتكە تولماعاندارعا قاتىستى كەز كەلگەن زورلىق-زومبىلىق ءۇشىن زاڭ تالاپتارى قاتاڭداتىلدى. فيزيكالىق جانە پسيحولوگيالىق زورلىق-زومبىلىق ءۇشىن قىلمىستىق جاۋاپكەرشىلىك كوزدەلگەن"، - دەپ جازىلعان حابارلامادا.
ايتا كەتەيىك، ءمۇعالىم 7 جاسار وقۋشىعا جىنىستىق سيپاتتاعى ىس-ارەكەت جاسادى دەگەن كۇدىككە ىلىنگەن. جابىرلەنۋشىنىڭ اناسىنىڭ ايتۋىنشا، وقۋشى ۇيىنە كەلگەندە 36 جاستاعى ءمۇعالىم تىزەسىنە وتىرعىزىپ، ەرسى ارەكەت جاساعانىن جەتكىزگەن.
