دەنساۋلىق ساقتاۋ ءمينيسترى اقمارال ءالنازاروۆا سكرينينگتەرگە قاتىستى ەسەپتەردە كەتكەن قاتەلەردىڭ سەبەبىن ءتۇسىندىردى. ونىڭ ايتۋىنشا، ماسەلە مىڭداعان قازاقستاندىقتىڭ جەكە سايكەستەندىرۋ ءنومىرى (جسن) دەرەكتەرىندەگى تەحنيكالىق سايكەسسىزدىكتەردەن تۋىنداعان، دەپ حابارلايدى Dalanews.kz.
ءمينيستردىڭ تۇسىندىرۋىنشە،كەيبىر ازاماتتاردىڭ جىنىسى جۇيەدە قاتە كودتالعان. سونىڭ كەسىرىنەن ەسەپتەردە ەرلەر مەن ايەلدەر بويىنشا ستاتيستيكا بۇرمالانىپ كورىنگەن.
ءمينيستردىڭ سوزىنشە، مەديسينالىق قىزمەتتەردىڭ ءوزى دۇرىس كورسەتىلگەن، ياعني سكرينينگتەر شىن مانىندە جۇرگىزىلگەن. ءقازىر بۇل ولقىلىقتار ىشكى ىستەر مينيسترلىگى مەن قارجى مينيسترلىگىمەن بىرگە تەكسەرىلىپ، تۇزەتۋ جۇمىستارى ءجۇرىپ جاتىر. ۆەدومستۆو مۇنداي قاتەلەردى الداعى ۋاقىتتا بولدىرماۋ ءۇشىن جۇيەنى جەتىلدىرۋ شارالارى قابىلداناتىنىن مالىمدەدى.
