2026 جىلعى 1 اقپانداعى جاعداي بويىنشا قازاقستاندىقتاردىڭ زەينەتاقى جيناقتارىنىڭ كولەمى 26،36 ترلن تەڭگەدەن اسىپ، ءبىر جىلدا 3،74 ترلن تەڭگەگە نەمەسە 16،5%-عا ءوستى، دەپ حابارلايدى Dala news.
جيناق قۇرىلىمى
مىندەتتى زەينەتاقى جارنالارى (مزج) ەسەبىنەن قالىپتاسقان جيناق كولەمى 24،81 ترلن تەڭگەنى قۇراپ، ءبىر جىلدا 14،4%-عا ارتقان.
مىندەتتى كاسىپتىك زەينەتاقى جارنالارى (مكزج) بويىنشا سوما 736،07 ملرد تەڭگەگە جەتىپ، 13،2%-عا ءوستى.
ەڭ جوعارى ءوسىم ەرىكتى زەينەتاقى جارنالارى (ەزج) بويىنشا تىركەلدى – 23،6%. ولاردىڭ كولەمى 9،89 ملرد تەڭگەنى قۇرادى.
2024 جىلدىڭ 1 قاڭتارىنان باستاپ ەنگىزىلگەن جۇمىس بەرۋشىنىڭ مىندەتتى زەينەتاقى جارنالارى (جمزج) ەسەبىنەن جيناقتالعان قاراجات 807،75 ملرد تەڭگەگە جەتتى.
تۇسكەن جارنالار
2026 جىلدىڭ قاڭتار ايىندا سالىمشىلاردىڭ جەكە جانە شارتتى زەينەتاقى شوتتارىنا 264،65 ملرد تەڭگە جارنا ءتۇستى. بۇل وتكەن جىلدىڭ سايكەس كەزەڭىمەن سالىستىرعاندا 13%-عا نەمەسە 30،41 ملرد تەڭگەگە كوپ.
ونىڭ ىشىندە:
•مزج بويىنشا – 211،73 ملرد تەڭگە (ءوسىم 5،7%)؛
•مكزج – 14،00 ملرد تەڭگە (ءوسىم 15%)؛
•ەزج – 185 ملن تەڭگە؛
•جمزج – 38،74 ملرد تەڭگە.
تولەمدەر مەن اۋدارىمدار
2026 جىلدىڭ قاڭتارىندا بجزق-دان بارلىق باعىت بويىنشا تولەمدەر مەن ساقتاندىرۋ ۇيىمدارىنا اۋدارىمدار كولەمى 124،27 ملرد تەڭگەنى قۇرادى.
1 اقپانداعى جاعداي بويىنشا:
•جاسىنا بايلانىستى تولەمدەر – 17،30 ملرد تەڭگە. ورتاشا ايلىق تولەم – 38 312 تەڭگە.
•تۇرعىن ءۇي جاعدايىن جاقسارتۋ جانە ەمدەلۋگە ارنالعان ءبىرجولعى تولەمدەر – 47،88 ملرد تەڭگە.
•مۇراگەرلىك بويىنشا تولەمدەر – 17،80 ملرد تەڭگە.
•تۇراقتى تۇرۋعا شەتەلگە شىعۋعا بايلانىستى تولەمدەر – 3،09 ملرد تەڭگە.
•مۇگەدەكتىگى بار ادامدارعا تولەمدەر – 352،91 ملن تەڭگە.
•جەرلەۋگە ارنالعان تولەمدەر – 866،12 ملن تەڭگە.
•ساقتاندىرۋ ۇيىمدارىنا اۋدارىلعان قاراجات – 36،99 ملرد تەڭگە.
زەينەتاقى شوتتارىنىڭ سانى
2026 جىلعى 1 اقپاندا بجزق-داعى زەينەتاقى شوتتارىنىڭ جالپى سانى 18،28 ملن بىرلىككە جەتتى. بۇل ءبىر جىلدا 1،04 ملن شوتقا نەمەسە 6%-عا كوپ.
جەكە زەينەتاقى شوتتارىنىڭ سانى – 12،73 ملن:
•11،30 ملن – مزج بويىنشا؛
•766،4 مىڭ – مكزج؛
•469،08 مىڭ – ەزج.
جۇمىس بەرۋشىنىڭ مىندەتتى جارنالارى ەسەپكە الىناتىن شارتتى شوتتار سانى – 5،55 ملن.
ايتا كەتەيىك، ءبىرىڭعاي جيناقتاۋشى زەينەتاقى قورى 2013 جىلعى 22 تامىزدا قۇرىلعان. قوردىڭ قۇرىلتايشىسى ءارى اكسيونەرى – قازاقستان رەسپۋبليكاسى ۇكىمەتى. زەينەتاقى اكتيۆتەرىن سەنىمگەرلىك باسقارۋدى ۇلتتىق بانك جۇزەگە اسىرادى.
زەينەتاقى اكتيۆتەرى بويىنشا تولىق ستاتيستيكالىق اقپارات enpf.kz سايتىندا جاريالانعان.
