رەسەيلىك ب ا ق مالىمەتىنشە، رەسەيگە كىرۋىنە تىيىم سالىنعان نۇرلان سابۋروۆ الماتىعا ۇشىپ كەلۋدى جوسپارلاپ وتىر. بۇل تۋرالى Mash Telegram-ارناسى جازدى، دەپ حابارلايدى Dalanews.kz.
باسىلىم دەرەگىنە سۇيەنسەك، ماسكەۋدەگى ۆنۋكوۆو اۋەجايىندا پاسپورتتىق باقىلاۋ كەزىندە بولعان جاعدايدان كەيىن نۇرلان سابۋروۆ دۋبايعا تەگىن دەپورتاسيادان باس تارتقان. دەرەككوزدەردىڭ ايتۋىنشا، ۇشۋ ءۇشىن كىسەن تاعۋ تالابى قويىلعان. سونىڭ سالدارىنان ول قازاقستانعا بيلەتتى ءوز بەتىنشە ساتىپ العان كورىنەدى.
Mash مالىمەتىنە سۇيەنسەك، سابۋروۆ ماسكەۋگە باا-دەن بيزنەس-كلاسپەن ۇشىپ كەلگەن. رەسەيگە كىرۋگە تىيىم سالىنعانى تۋرالى حابارلانعان سوڭ ول بىرنەشە رەت دەپورتاسيا ماسەلەسىن ناقتىلاعان. كەيىن دۋبايعا كەرى بيلەتكە قاراجاتى جوق ەكەنىن ايتقان. دەرەككوزدىڭ مالىمدەۋىنشە، دەپورتاسيا شارتتارى تۇسىندىرىلگەننەن كەيىن ول اقشا تاۋىپ، الماتىعا بيلەت ساتىپ العان. ەڭ جاقىن رەيس تۇستەن كەيىنگى ۋاقىتقا جوسپارلانعان.
ەسكە سالايىق، بۇعان دەيىن قازاقستاندىق ازىلكەش نۇرلان سابۋروۆ ەندى رەسەيگە 50 جىل بويى كىرە المايتىنى حابارلاندى.
