2026 جىلدىڭ قاڭتارىندا قازاقستاندىقتار تۇرعىن ءۇي جاعدايىن جاقسارتۋ ءۇشىن زەينەتاقى جيناعىنان 38،6 مىڭ ءوتىنىم راسىمدەگەن، دەپ حابارلايدى Dalanews.kz.
Nege.Aqsha مالىمەتىنشە، بۇل – 2024 جىلدىڭ ماۋسىمىنان بەرگى ەڭ تومەن كورسەتكىش. ءبىر جىلدا وتىنىمدەر سانى شامامەن ۇشتەن بىرگە ازايسا، جەلتوقسانمەن سالىستىرعاندا 90%-عا جۋىق تومەندەدى. جەلتوقسانداعى ءوسىم ازاماتتاردىڭ 2026 جىلدان باستاپ جەتكىلىكتىلىك شەگى وسەتىنىن ەستىپ، قاراجاتتى الدىن الا پايدالانۋعا اسىققانىمەن تۇسىندىرىلەدى.
قاڭتاردا تۇرعىن ۇيگە 50،9 ملرد تەڭگە باعىتتالدى. بۇل جەلتوقساننان 77%-عا از بولعانىمەن، بىلتىر قاڭتار ايىنان 5%-عا كوپ، ياعني جالپى سوما كۇرت تومەندەمەدى.
بەلسەندىلىكتىڭ باسەڭدەۋىنە وتباسى بانكىنىڭ جاڭا ەرەجەسى دە اسەر ەتتى. ەندى زەينەتاقى قاراجاتى يپوتەكانى مەرزىمىنەن بۇرىن وتەۋدە تەك نەگىزگى قارىزدى جابۋعا جۇمسالادى، پايىزداردى تولەۋگە قولدانىلمايدى. ەمدەلۋگە ارنالعان تولەمدەر دە ازايىپ، قاڭتاردا نەبارى 600 ءوتىنىم (600 ملن تەڭگە) ورىندالدى.
