اباي وبلىسىنىڭ 41 جاستاعى تۇرعىنى الاياقتىق قۇربانى بولدى. الاياق تۇرعىننىڭ ۇلىن ۋنيۆەرسيتەتكە وقۋعا تۇسىرۋگە كومەكتەسەمىن دەپ ۋادە بەرگەن، دەپ حابارلايدى Dalanews.kz پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
جابىرلەنۋشىنىڭ ايتۋىنشا، وتكەن جىلدىڭ كوكتەمىندە ءوزى ونشا تانىس ەمەس جاس جىگىت 18 جاستاعى ۇلىن جوعارى وقۋ ورنىنا تۇسىرۋگە كومەكتەسەتىنىن ايتقان. وسى سىلتاۋمەن ايەل وعان 2،5 ميلليون تەڭگە بەرگەن.
پوليسەيلەر كۇدىكتىنىڭ جەكە باسىن انىقتاپ، سەمەي قالاسىنىڭ 41 جاستاعى تۇرعىنىن پوليسيا بولىمىنە جەتكىزدى. اتالعان دەرەك بويىنشا الاياقتىق بەلگىلەرىمەن تەكسەرۋ باستالدى.
«كۇدىكتىگە پروسەسسۋالدىق قۇقىقتارى ءتۇسىندىرىلدى، كەلۋ تۋرالى مىندەتتەمە الىندى. وقيعانىڭ بارلىق ءمان-جايى انىقتالىپ جاتىر»، – دەپ قوستى پوليسيا وكىلدەرى.
