Jetour Qazaqstan командасының 2026 жылғы Бейжің автосалонына сапары брендтің болашақ даму бағытын ғана емес, қазақстандық дистрибуцияның халықаралық деңгейде мойындалғанын да көрсетті, деп хабарлайды Dalanews.kz.
Allur құрамына кіретін Jetour Qazaqstan дистрибуциясы Auto China 2026 көрмесінде брендтің жаңа модельдерімен және Travel+ деп аталатын стратегиясымен танысты. Бұл бағыт автомобиль, технология, пайдаланушы тәжірибесі және саяхат мәдениетін бір арнаға тоғыстырады.
Сапардың маңызын арттырған тағы бір жайт – Jetour Qazaqstan халықаралық деңгейде мойындалды. Компания бас кеңсесі қазақстандық дистрибуцияға Outstanding Performance Award сыйлығын табыстады. Бұл марапат биыл небәрі үш елге ғана берілген. Ол брендті дамытудағы жоғары нәтижелер мен жергілікті нарықтағы позицияны нығайтуға қосқан үлесі үшін тапсырылды.
Бұдан бөлек, Jetour Qazaqstan цифрлық бағыттағы жүйелі жұмысы мен аудиториямен тиімді коммуникациясы үшін New Media Global Marketing марапатына ие болды.
Жеке деңгейде де мойындау бар. Танымал блогер Руслан Ибрагимов (Russokitchen) Creative Vanguard Award сыйлығымен марапатталды. Бұл JETOUR бренді қалыптастырып жатқан жаңа тәсілді көрсетеді: компания тек автокөлікке емес, оның айналасындағы қауымдастыққа, саяхатқа шабыт беретін адамдарға басымдық береді.
Модельдік қатарға келсек, JETOUR стенді көрмедегі ең мазмұнды алаңдардың бірі болды. Бренд T1 және T2 модельдерінің гибридті нұсқаларын, G700 флагмандық жол талғамайтын көлігін, сондай-ақ бірқатар концепт-карларды ұсынды. Олардың қатарында ықшам TX кроссовері мен гибридті F700 пикапы бар.
Сонымен қатар T-сериясының дамуы жаңа деңгейге көтеріліп келеді. Jetour T8 концепті брендтің тек жол талғамайтын бағытта емес, сонымен бірге өмір салтына бейімделген, көпфункциялы көліктер жасауға бет алғанын көрсетеді.
Сапар аясында қазақстандық блогерлер мен журналистер де жаңа модельдерді сынап көрді. Олардың қатарында Руслан Мұканов, Рашит Ильясов, Виктория Бельгаева, Александр Габченко, Елена Никитенко, Ольга Придчина және Магжан Абикенов бар. Олар жаңа Jetour G700 көлігін тест-драйвтан өткізіп, алғашқы әсерлерімен бөлісті.
Биыл автосалонда JETOUR өз болашағын айқын көрсетті: T-Series – жеңіл жолсыз аймақтарға арналған сегментті, ал G-Series – премиум деңгейдегі толыққанды жол талғамайтын бағытты қамтиды. Бұл ретте басты назар тек дизайн мен жабдықтауға ғана емес, технологияларға да аударылып отыр.
Көрмеде ұсынылған негізгі технологиялардың қатарында GAIA архитектурасы, C-DM гибридтік жүйесі және XWD интеллектуалды толық жетек жүйесі бар.
Сондай-ақ JETOUR Бейжің автосалонында танымал музыкант Alan Walker-мен коллаборациясын таныстырды. Бірлескен жоба аясында кастомизацияланған JETOUR T2 моделі ұсынылып, қозғалыс еркіндігі мен саяхат идеясы ерекше көрсетілді. Бұл да Travel+ стратегиясының бір бөлігі.
Жалпы, Auto China 2026 көрмесіне қатысу Jetour Qazaqstan үшін жаһандық брендпен бір бағытта дамып келе жатқанын тағы бір мәрте дәлелдеді. Егер бұрын мұндай сапарлар тек жаңа модельдермен танысуға арналса, бүгінде бұл – халықаралық деңгейдегі даму процесіне тікелей қатысу, жаңа технологиялар мен нақты нәтижелер арқылы мойындалу.
