Отырар ауданында ер адамға ауыр айып тағылып отыр. Күдікті баланың нағашы атасы екені айтылды.

Баланың анасы полицияға арыз жазған. Қазір оқиғаның мән-жайы тексеріліп жатыр. Істің ақ-қарасы сараптама нәтижесінен кейін белгілі болмақ.

Полицияның мәліметінше, әзірге заңсыз әрекет белгілері мен дене жарақаттары анықталмаған. Соған қарамастан тергеу жалғасып жатыр.

Балалар омбудсмені Динара Зәкиева 8 жастағы бала арнайы орталыққа орналастырылғанын мәлімдеген. Қазір оған психологтар көмектесіп жатыр.