Қарағанды облысындағы әкімдік мемлекеттік сатып алу арқылы бағасы 1 миллион теңгеден асатын Apple iPhone 16 Pro Max телефонын сатып алған, деп хабарлайды Dalanews.kz.
Мемлекеттік сатып алу порталында жарияланған лот сипаттамасына сәйкес, тапсырыс беруші – Қарағанды облысы Бұқар жырау ауданы әкімінің аппараты мемлекеттік мекемесі.
Сатып алу атауы – ұялы байланыс телефоны. Қосымша сипаттамада Apple iPhone 16 Pro Max смартфоны көрсетілген. Бір дана тауардың бағасы 1 070 689,66 теңге болып белгіленген. Лот мәртебесінде сатып алу өткендігі жазылған.
Өтінім қабылдау 10 сәуір мен 14 сәуір аралығында жүргізілген. Байқау жеңімпазы болып жеке кәсіпкер Төлегенов танылған.
